Wednesday, September 28, 2016

thumbnail

ဓမ္မာရုံ အသံချဲ့စက်မိုက်ကြိုးများ ဆွဲဖြုတ်သူ နိုင်ငံခြားသားအား ရုံးထုတ်စစ်ဆေး

E1QjZ.jpg28.9.2016

မန္တလေး၊မဟာအောင်မြေမြိုနယ်၊ ရတနာဘုမ္မိအရှေ့ရပ်ကွက်၊သုစရိတဓမ္မာရုံတွင်စက်တင်ဘာ ၂၃-ရက် ည က ၀တ်ရွတ်နေစဉ် အသံချဲ့စက်မိုက်ကြိုးများ ဆွဲဖြုတ်ခဲ့သဖြင့် တရားစွဲခံထားရသည့် နယ်သာလန်နိုင်ငံသားအား စက်တင်ဘာ-၂၈-ရက်နေ့၊မွန်းလွဲ ၃-နာရီခွဲ့တွင် မဟာအောင်မြေတရားရုံးတွင် ရုံးထုတ်စစ်ဆေးခဲ့သည်။

ရာဇသတ်ကြီးပုဒ်မ ၂၉၅ နှင့်၎င်း၊ မဟာအောင်မြေမြို့နယ်၊လူဝင်မှုကြီးကြပ်ရေးဦးစီးအရာရှိက မြန်မာနိုင်ငံ လူဝင်မှု ကြီးကြပ်ရေးအက်ဥပဒေပုဒ်မ (၄)၂/၁၃(၁)ဖြင့်၎င်း၊တရားစွဲဆိုခံထားရခြင်းဖြစ်သည်။

“ အိမ်ရှင် မြန်မာနိုင်ငံရဲ့ တည်ဆဲဥပဒေနဲ့ ဘာသာသာနာ ဓလေ့ထုံးတမ်းစဉ် လာတွေကို လိုက်နာရမယ်ဆိုတာ ဗီဇာလျှောက်ထားစဉ်ကတည်းက လက်မှတ်ရေးထိုးရပါတယ်။ခုဖြစ်စဉ်က ဗီဇာစည်းကမ်း နဲ့ မညီလို့ ဥပဒေ ကြောင်းအရ တရားစွဲဆိုတာပါ။”ဟု တရားလိုဖြစ်သူ လ၀က ဦးစီးမှုး ဦးသောင်းဒန်က တရားရုံးတွင် ထွက် ဆိုခဲ့သည်။

နယ်သာလန်နိုင်ငံသားမှာ Mr. KLAAS HAYTEMA (အသက်-၃၀) ဖြစ်ပြီး မန္တလေးမြို့အခင်းဖြစ်ရာအနီးရှိ FOUR RIVERS တွင်တည်းခိုခြင်းဖြစ်ပြီး ၄င်းအနေနှင့် ရည်ရွယ်ပြီးလုပ်ဆောင်ခြင်းမဟုတ်ဘဲ ဘာသာရေး အဆောက်အဦမှန်းမသိရှိပါဟု တရားရုံးတွင်ထွက်ဆိုခဲ့သည်။ E1PZG.jpg“သူက တရုတ်နိုင်ငံ ကူမင်းက နေ ၂၀-ရက်နေ့က အွန်လိုင်းဗီဇာနဲ့ မန္တလေးလေဆိပ်ကို ရောက်လာတာပါ။ အောက်တိုဘာ ၁၈-ရက်နေ့ထိ Stay (နေထိုင်ခွင့်)ရထားတယ်။”ဟု လ၀က ဦးစီးမှူးကဆိုသည်။

ယနေ့ရုံးချိန်းတွင် လ၀က နှင့် နယ်သာလန်နိုင်ငံသားတို့အား မေးမြန်းစစ်ဆေးခဲ့ပြီး စက်တင်ဘာ ၂၉-ရက်နေ့ တွင် အခြားသက်သေများအားလုံး စုံညီစွာစစ်ဆေးရန် ထပ်မံ ချိန်းဆိုလိုက်ကြောင်းသိရသည်။

ခိုင်ဆက်ဝေ/စိုင်းထူးခန့်
NewsWatch

Subscribe by Email

Follow Updates Articles from This Blog via Email

No Comments

About

Powered by Blogger.