Wednesday, September 28, 2016

thumbnail

နောက်ဖေးလမ်းကြားအမှိုက်ရှင်းနေသည့် စည်ပင်ဝန်ထမ်း မစင်ရေဖြင့်ပက်ဖြန်းခံရ

******************************

ရန်ကုန်တိုင်းဒေသကြီး ပုဇွန်တောင်မြို့နယ်တွင် နောက်ဖေးလမ်းကြား ရှင်းလင်းရေးဆောင်ရွက်နေသည့် စည်ပင် သန့်ရှင်းရေးဝန်ထမ်းများကို နေအိမ်အပေါ်ထပ်တိုက်ခန်းမှနေ၍ မစင်ရေဖြင့် ပက်ဖြန်းမှု စက်တင်ဘာ ၂၈ နံနက်ပိုင်းက ဖြစ်ပွားခဲ့ကြောင်း သိရသည်။


ပုဇွန်တောင်မြို့နယ် အမှတ် ၂ ရပ်ကွက်ရှိ ၅၆ လမ်းနှင့် ဗိုလ်တထောင်ဈေးလမ်း ရှိနောက်ဖေးလမ်းကြားများအား ရှင်းလင်းဆောင်ရွက်နေစဉ် ထိုသို့ ဖြစ်ပွားခဲ့ကြောင်း ပုဇွန်တောင်မြို့နယ် စည်ပင်သာယာအုပ်ချုပ်ရေးမှူး

ဦးဇော်မြင့်က News Watch သို့ ပြောသည်။


"မစင်ရေတွေနဲ့ ပက်တာ နှစ်ခါတောင်၊ အဲဒီလိုဖြစ်တော့ သန့်ရှင်းရေးဝန်ထမ်းတွေကလည်း မလုပ်ချင်ကြဘူးပေါ့။ ဒါနဲ့ လော်စပီကာနဲ့ လှမ်းအော်ရတယ်။ ဘယ်က လုပ်တယ်ဆိုတာတော့မသိရဘူး။ ဒါမျိုးတွေနဲ့ စည်းကမ်းမဲ့တာမျိုးတွေ မလုပ်ဖို့ စည်းရုံးပြီး ပြောဆိုရမှာပေါ့။ စည်းရုံးလို့မှ မရရင်တော့ စည်ပငဥပဒေနဲ့ အရေးယူရမှာပ''ဟု ဦးဇော်မြင့်က ပြောသည် ။


ပုဇွန်တောင်မြို့နယ် ၇ ရပ်ကွက်တွင် ပြီးခဲ့သည့်သြဂုတ်လအတွင်းက နောက်ဖေးလမ်းကြား ရှင်းလင်းဆောင်ရွက်နေမှုကို ရန်ကုန်စည်ပင်ကော်မတီဝင် ၅ ဒေါ်သန်းမြင့်အောင်နှင့် တာဝန်ရှိသူများ သွားရောက်ကြည့်ရှုစဉ်ကလည်း နေအိမ်တိုက်ခန်းပေါ်မှ အမှိုက်ထုပ်ပစ်ချမှုတစ်ခုဖြစ်ပေါ်ခဲ့ကြောင်း သိရသည်။ 


ရန်ကုန်မြို့တွင်း ၆ မြို့နယ်ရှိ နောက်ဖေးလမ်းကြားများတွင် စည်းကမ်းမဲ့ စွန့်ပစ်ထားသော နောက်ဖေးလမ်းကြားအမှိုက်များ ရှင်းလင်းဆောင်ရွက်ရေး ရှေ့ပြေးစီမံချက်ကို သြဂုတ် ၁၅ ရက်နေ့မှစတင်ခဲ့ခြင်းဖြစ်သည်။


လင်းလင်းအောင်

News Watch

Subscribe by Email

Follow Updates Articles from This Blog via Email

No Comments

About

Powered by Blogger.