အမေရိကန် သမ္မတရွေးကောက်ပွဲမှာ အနိုင်ရခဲ့တဲ့ ရွေးကောက်ခံသမ္မတ ဒေါ်နယ်ထရမ့်က နိုင်ငံတော်သမ္မတရဲ့ တစ်နှစ်စာ လစာငွေ အမေရိကန်ဒေါ်လာ ၄ သိန်းထဲက တစ်ဒေါ်လာတောင်ယူမှာ မဟုတ်ဘူးလို့ ပြောကြားခဲ့ပါတယ်။

ဒေါ်နယ်ထရမ့်ဟာ အဲဒီစကားကို စက်တင်ဘာ ၁၇ ရက်နေ့က နယူးဟမ်ရှိုင်းယားပြည်နယ်၊ ရော့ချက်စတာမြို့မှာ အဲဒီလို ပြောကြားခဲ့တာပါ။

“ကျွန်တော်သာ ရွေးကောက်တင်မြှောက်ခံရပြီး သမ္မတဖြစ်လာရင် ကျွန်တော်လုပ်မှာနဲ့ပတ်သက်ပြီး အရင်ဆုံးပြောချင်တာက။ ကျွန်တော် (သမ္မတ)လစာ ယူမှာ မဟုတ်ဘူး။ အိုခေလား။ ကျွန်တော့်အတွက် အဲဒါ ကိစ္စမရှိဘူး”လို့ ပြောကြားခဲ့တာဖြစ်ပါတယ်။

စက်တင်ဘာလ ၂၁ ရက်နေ့ကလည်း သူ့ရဲ့ Twitter အကောင့်က အမေးအဖြေကဏ္ဍမှာ လစာယူမှာလားလို့ တစ်ယောက်က မေးတာကို သူက “ကျွန်တော် တစ်ဒေါ်လာတောင် ယူမှာမဟုတ်ဘူ။ ကျွန်တော်သာ သမ္မတဖြစ်လာရင် ကျွန်တော့်လစာ အကုန်စွန့်လွှတ်မှာ”လို့ ပြန်ဖြေခဲ့ပါတယ်။

အမေရိကန်ရဲ့ ၄၅ ယောက်မြောက် သမ္မတဖြစ်လာတော့မယ့် ဒေါ်နယ်ထရမ့်ဟာ သန်းကြွယ်သူဌေးကြီးတစ်ယောက်ဖြစ်ပြီး ၂၀၁၆ ခုနှစ်မှာ သူ့ရဲ့ ကြွယ်ဝမှုပမာဏက (ခန့်မှန်းခြေ) အမေရိကန်ဒေါ်လာ ၃.၇ ဘီလျံရှိတယ်လို့ Forbes မဂ္ဂဇင်းက ဖော်ပြထားပါတယ်။

0 comments so far,add yours