Tuesday, November 22, 2016

thumbnail

ဗိုလ်ချုပ်အောင်ဆန်းရုပ်ပုံပါ ငွေစက္ကူများ ရိုက်နှိပ်သုံးစွဲရန် အစီအစဉ်မရှိသေးကြောင်း ဗဟိုဘဏ် ဒုဥက္ကဋ္ဌ ပြောကြား

ဆင်ပုံနှင့် ခြင်္သေ့ပုံပါ လက်ရှိသုံးစွဲလျက်ရှိနေသော ငွေစက္ကူများ နေရာတွင် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ရုပ်ပုံများ ထည့်သွင်း ရိုက်နှိပ်သွားမည် အစီအစဉ်မရှိသေးကြောင်း မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌဦးစိုးမင်းက ပြောကြားသည်။

မကွေးတိုင်းဒေသကြီး သရက်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးကံမြင့်မေးမြန်းသည့် အိပ်၊ စား၊ ကာမ ဤသုံးခုသာ သိသော တိရစ္ဆာန်ပုံ များနေရာတွင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းပုံပါ ငွေစက္ကူများ ရိုက်နှိပ်ထုတ်ဝေသွားရန် အစီအစဉ် ရှိ၊ မရှိ မေးခွန်းနှင့်ပတ်သက်၍
ပြန်လည်ဖြေကြားရာတွင် ဗဟိုဘဏ် ဒုတိယဥက္ကဋ္ဌက အထက်ပါအတိုင်း ပြောကြားခဲ့ခြင်းဖြစ်သည်။

“ပုံစံသစ်ငွေစက္ကူတွေ ထုတ်ဝေမယ်ဆိုလို့ရှိရင် လက်ရှိ လှည့်လည်သုံးစွဲနေတဲ့ ငွေစက္ကူတွေကို ဖျက်ဆီးဖို့ လိုအပ်မှာဖြစ်ပါတယ်။ အဲဒါကြောင့် ကုန်ကျစရိတ်ပိုမိုလာဖို့ ရှိတာရယ် ပုံစံအမျိုးမျိုးရှိနေတဲ့အတွက်
ပြည်သူ များဟာ ငွေစက္ကူပေါ်မှာ ယုံကြည်မှုအားနည်းလာနိုင်တာတို့ကို ထည့်သွင်းပြီး စဉ်းစားလို့ရှိရင် ငွေစက္ကူပေါ်မှာ မရေမရာ ဇဝေဇ၀ါ
ဖြစ်ပေါ်လာခြင်းတွေ ရှိလာနိုင်တဲ့အတွက်၊ လက်ရှိ လှည့်လည်သုံးစွဲမှုများမှာ လဲလှယ်ဖို့  အခက်အခဲရှိတဲ့အတွက် မြန်မာနိုင်ငံတော်ဗဟိုဘဏ်အနေနဲ့
ငွေစက္ကူများကို နိုင်ငံစီးပွားရေးတည်ငြိမ်တဲ့အချိန်၊ အနှောင့်အယှက်မဖြစ်နိုင်တဲ့ သင့်လျော်သော ကာလမှာ ပြဋ္ဌာန်းချက်များနှင့်အညီ ဆောင်ရွက်သွားမှာဖြစ်ပါ တယ်။ ငွေစက္ကူရိုက်နှိပ်ရာမှာ ငွေစက္ကူဒီဇိုင်းရေးဆွဲခြင်း၊ ဒီဇိုင်းအတည်ပြုခြင်း၊ မှာကြားခြင်း၊ ရိုက်နှိပ်ခြင်း၊  ကြိုတင်သိုလှောင်ထားရှိခြင်း လုပ်ငန်းစဉ်များ ရှိတဲ့အတွက် အချိန်ကာလတိကျစွာ သတ်မှတ်နိုင်ခြင်း မရှိသေး ကြောင်း ဖြေကြားအပ်ပါတယ်” ဟု ဦးစိုးမင်းက ဖြေကြားခဲ့သည်။

မြန်မာနိုင်ငံတော်ဗဟိုဘဏ်ဥပဒေပုဒ်မ ၆၂ တွင် ဗဟိုဘဏ်ကသာ ငွေစက္ကူနှင့် ငွေဒင်္ဂါးများ ထုတ်ပိုင်ခွင့်ရှိသည်။ ဗဟိုဘဏ်က ထုတ်သော ငွေစက္ကူနှင့်ငွေဒင်္ဂါးများသည် နိုင်ငံတ၀ှမ်းတွင် တရားဝင်ငွေအဖြစ် တည်ရှိစေရမည်ဟု ပြဋ္ဌာန်းထားပြီး ပုဒ်မ ၆၆ တွင် ဗဟိုဘဏ်သည် မည်သည့် ငွေစက္ကူအမျိုးအစားကိုမဆို ပြောင်းလဲသုံးစွဲရန လိုအပ်ပါက အစိုးရအဖွဲ့၏ သဘောတူညီချက်ဖြင့် ဆောင်ရွက်နိုင်သည်။

ယင်းဆောင်ရွက်ချက်အခြေအနေကို အနီးစပ်ဆုံးကျင်းပသည့်
ပြည်ထောင်စုလွှတ်တော်အစည်းအဝေးသို့ တင်ပြ၍ အတည်ပြုချက်ရယူရမည်ဟု ပြဋ္ဌာန်းထားသည်။

=================

နန္ဒမျိုးဆောင်

News Watch Journal

္နိနိုဝင်​ဘာ ၂၂

Subscribe by Email

Follow Updates Articles from This Blog via Email

No Comments

About

Powered by Blogger.