Sunday, November 20, 2016

thumbnail

ဆောက်လုပ်ဆဲ ဆေးခန်းအဆောက်အအုံအတွင်းမှ ပစ္စည်းများခိုးယူသူအား ဖော်ထုတ်ဖမ်းဆီးရမိ

ရန်ကုန်၊ နိုဝင်ဘာ ၂၀


၁၃.၁၁.၂၀၁၆ ရက်နေ့တွင် ဗိုလ်တထောင်မြို့နယ်၊ ဗိုလ်အောင်ကျော်လမ်းနှင့် 

ဗိုလ်ချုပ်လမ်းထောင့်ရှိ ဆောက်လုပ်ဆဲဆေးခန်းအဆောက်အအုံအတွင်းမှ 

ဓာတ်မှန်ခန်းအသုံးပြုသည့် ကွန်ပျူတာနှင့် ဆက်စပ်ပစ္စည်းများ၊ Dehumidifer 

ရေငွေစုပ်စက်နှင့် လက်သမားသုံး စကူဖြုတ်/တပ်စက်၊ နံရံ ဖောက်စက် 

စုစုပေါင်းတန်ဖိုးငွေကျပ် (၁၀၆၀၀၀၀၀)ခန့်မှာ ပျောက်ဆုံးနေသည်ကြောင်း

တိုင်တန်းချက်အရ ဗိုလ်တထောင်မြို့မရဲစခန်း (ပ)၁၉၈/၂၀၁၆၊ ရာဇသတ်

ကြီးပုဒ်မ ၃၈၀ ဖြင့် အမှုဖွင့်ကာ ပြစ်မှုကျူးလွန်သူအား စုံစမ်းဖော်ထုတ်

ခဲ့ပါသည်။


အမှုနှင့်ပတ်သက်၍ ရန်ကုန်တိုင်းဒေသကြီးရဲတပ်ဖွဲ့မှူးရုံးမှ တပ်ဖွဲ့ဝင်များက

စုံစမ်းဆောင်ရွက်ခဲ့ရာ ၎င်းအဆောက်အအုံဆောက်လုပ်ရာတွင် ယခင်က

အလုပ်လုပ်ကိုင်ခဲ့ဘူးသူ အင်းစိန်မြို့နယ်နေ မွန်းကြီး(ခ)မြတ်နိုးကျော်

(ခ)မြင့်ဦးမှာ အဆောက်အအုံသို့ ရံဖန်ရံခါလာရောက်အိပ်လေ့ရှိသည့်အပြင်

အလုပ်အကိုင်အတည်တကျမရှိဘဲ ငွေကြေးများသုံးစွဲနေကြောင်း

သတင်းအရ မသင်္ကာသဖြင့် ၁၈.၁၁.၂၀၁၆ ရက်နေ့က ၎င်းအား 

ထိန်းသိမ်းပြီးစစ်မေးခဲ့ပါသည်။


စစ်ဆေးချက်အရ ၎င်းသည် အဆိုပါဆောက်လုပ်ရေးလုပ်ငန်းခွင်မှ 

ခင်မင်ရင်းနှီးသူထံသို့သွားရောက် ညအိပ်ခဲ့ပြီး ရေငွေ့စုပ်စက်၊ 

ဓာတ်မှန်ခန်းအသုံးပြုသည့် ကွန်ပျူတာနှင့် ဆက်စပ်ပစ္စည်းများအား 

ခိုးယူခဲ့ခြင်းဖြစ်ကြောင်း စစ်ဆေးပေါ်ပေါက်ခဲ့ပါသည်။


ပေါ်ပေါက်ချက်များအရ သက်သေခံပစ္စည်းများပြန်လည်သိမ်းဆည်းပြီး

မွန်ကြီး(ခ)မြတ်နိုင်းကျော်(ခ) မြင့်ဦး၊ ၃၅ နှစ်အား အမှုဖြင့် 

အရေးယူဆောင်ရွက်လျက်ရှိကြောင်း သတင်းရရှိပါသည်။


Yangon Police


MCNews

Subscribe by Email

Follow Updates Articles from This Blog via Email

No Comments

About

Powered by Blogger.