Saturday, November 19, 2016

thumbnail

မူဆယ်တိုက်ပွဲတွင် ၂ ဦးသေဆုံးထားပြီး ဒဏ်ရာရသူ၂၃ ဦး အထိရှိလာ

၂၀..၁၁..၁၆
-
ရှမ်းပြည်မြောက်ပိုင်း မူဆယ် ၁၀၅ မိုင် ကုန်သွယ်ရေးစခန်းအနီး မိုင်း
ပေါ်မြို့ပေါ်မှာ တပ်မတော်နဲ့ တိုင်းရင်းသားလက်နက်ကိုင်တွေ တိုက်ပွဲ
ဆက်လက်ဖြစ်ပွားနေတာကြောင့် လက်ရှိ အချိန်ထိ ၂ ဦးသေဆုံးပြီး ၂၃ ဦးဒဏ်ရာရရှိထားတယ်လို့ မူဆယ်ခရိုင် ဆေးရုံမှ လူမှုဆက်ဆံရေးမှူး ဒေါ်မြမြစန်းက မဇ္ဈိမကိုပြောပါတယ်။
-
“သေတာတော့ ၂ဦးရှိပြီ စိုးရိမ်ရတာက ၂ယောက် စုစုပေါင်းတော့ ဆေးရုံမှာ ၂၅ ဦးရောက်လာတယ်" လို့ ဒေါ်မြမြစန်းကဆိုပါတယ်။
-
တိုက်ပွဲကြောင့် နံနက် ၇ နာရီခွဲအထိ ရဲတပ်ဖွဲ့ဝင် ၁ ဦး အပါအဝင် ၈ ဦး
ဒဏ်ရာရ ၁ ဦးသေဆုံးတယ်လို့ မူဆယ်မြို့ အုပ်ချုပ်ရေးပိုင်းမှအကြီး
တန်းအရာရှိတစ်ဦးကပြောပါတယ်။ တိုက်ပွဲမှာ မိုင်းပေါ်မြို့တွင် နံနက် ၉နာရီ ၂၀ခန့်တွင် ရပ်နားသွားခဲ့သည်ဟု ဒေသခံများက ပြောသည်။
-
နိုဝင်ဘာ ၂၀ရက် နံနက် ၃ နာရီလောက်က စတင်ဖြစ်ပွားတဲ့တိုက်ပွဲ
တွေကြောင့် မူဆယ်မြို့ခံများ ထွက်ပြေးတိန်းရှောင်နေရပါတယ်။
-
ဒီနေ့ နံနက် ၃ နာရီ လောက်က တိုင်းရင်းသားလက်နက်ကိုင်တွေဘက်
က မိုင်တိုင်အမှတ် ၂၅၉ မှာရှိတဲ့ ဆော်လွန်တံတား ကို မိုင်းခွဲဖျက်စီး
ခဲ့ပြီး လက်ရှိအချိန်မှာ သန္နီတံတားလည်းမိုင်ခွဲဖျက်စီးခံလိုက်ရတယ်လို့ သိပေမယ့် အစိုးရဘက်ကတော့ သတင်းမထုတ်ပြန်ပေးသေးပါဘူး။
-
၁၀၅ မိုင်ကုန်သွယ်ရေးစခန်းမှာ လက်ရှိအချိန်ထိ တပ်မတော်နဲ့ တိုင်းရင်းသား လက်နက် ကိုင်အဖွဲ့ တိုက်ပွဲတွေ ဆက်လက်ဖြစ်ပွား
နေပါတယ်။ အဲ့ဒီ့ဒေသမှာ KIA၊ TNLA နဲ့ SSPP အဖွဲ့တွေ အခြေစိုက်
တာဖြစ်သော်လည်း မည်သည့်အဖွဲ့နှင့် တိုက်ပွဲဖြစ်ပွားသည်ကိုမူ တိတိကျကျ မသိရသေးပေ။
=====
မဇ္စိုမ

Subscribe by Email

Follow Updates Articles from This Blog via Email

No Comments

About

Powered by Blogger.