Wednesday, November 30, 2016

thumbnail

ဆိုင်ကယ်ဖြင့် လုယက်မှုကျူးလွန်သူ ၃ ဦးအား ဖမ်းဆီးရမိစစ်ဆေးရာမှ မြောက်ပိုင်းခရိုင်အတွင်း ဖြစ်ပွားခဲ့သော လုယက်မှု ၁၈ မှုဖော်ထုတ်နိုင်

ရန်ကုန်၊ နိုဝင်ဘာ ၃၀


ရန်ကုန်တိုင်းဒေသကြီး၊ မြောက်ပိုင်းခရိုင်အတွင်း ဆိုင်ကယ်ဖြင့် ဆွဲကြိုးဖြတ်

လုယက်မှုများ စုံစမ်းဖော်ထုတ်ဖမ်းဆီးရမိရေးအတွက် မြောက်ပိုင်းခရိုင်

ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစုမှ ရဲတပ်ဖွဲ့ဝင်များက သတင်းစုံစမ်း

ဆောင်ရွက်စဉ် လုယက်မှုကျူးလွန်ကြောင်းသတင်းရရှိသူ ၀င်းဇော်(ခ)

ကျော်သက်အား နိုဝင်ဘာလ ၆ ရက်နေ့ မွန်းလွဲ ၁၂ နာရီခွဲအချိန်တွင် 

အင်းစိန်မြို့နယ်၊ ရွာမအရှေ့ရပ်ကွက်၊ ပဏ္ဍိတလမ်းပေါ်တွင် တွေ့ရှိ

စစ်ဆေးရာ အရိုးအသွား ၁၂ လက်မခန့်ရှိ ဓားမြှောင် ၁ ချောင်းနှင့်အတူ 

ဖမ်းဆီးရမိခဲ့ပြီး ဆက်လက်စစ်ဆေးရာ ဆိုင်ကယ်ကိုအသုံးပြု၍ 

လုယက်မှုများ ကျူးလွန်ခဲ့ကြောင်းသိရသည်။


ဖမ်းဆီးရမိသူ ၀င်းဇော်(ခ)ကျော်သက်၏ ဖော်ထုတ်ချက်အရ ပြစ်မှုကျူးလွန်

ရာတွင် ရဲထက်အောင်(ခ)ပေသီး၊ ကောင်းထက်(ခ)အငယ်ကောင်(ခ)

ထက်ရှား၊ အောင်မြတ်သူတို့နှင့်အတူ အင်းစိန်မြို့နယ်၊ ရွှေပြည်သာ

မြို့နယ်၊ လှိုင်သာယာမြို့နယ်နှင့် ထန်းတပင်မြို့နယ်များတွင် ဆိုင်ကယ်ကို

အသုံးပြု၍ လုယက်မှုများကျူးလွန်ခဲ့ကြောင်းသိရသဖြင့် ပြစ်မှုကျူးလွန်ရာ

တွင်အတူပါဝင်သူ ရဲထက်အောင်(ခ)ပေသီးနှင့် ကောင်းထက်(ခ)

အငယ်ကောင်(ခ)ထက်ရှားတို့အား နိုဝင်ဘာလ ၆ ရက်နေ့ည ၁၀နာရီ

အချိန်တွင် လှိုင်သာယာမြို့နယ်၊ ၅ ရပ်ကွက်၊ ခိုင်ရွှေဝါလမ်းမပေါ်၌ 

ဖမ်းဆီးရမိခဲ့သည်။


ဖမ်းဆီးရမိသူ ၃ ဦးတို့၏ ဖော်ထုတ်ချက်များအရ ၂၀၁၆ ခုနှစ်၊ အောက်တိုဘာ

လနှင့် နိုဝင်ဘာလအတွင်းက အင်းစိန်မြို့နယ်အတွင်း ဆိုင်ကယ်အသုံးပြု၍ 

လုယက်မှု ၁၁ မှု၊ လှိုင်သာယာမြို့နယ်အတွင်း လုယက်မှု ၂ မှု၊ ရွှေပြည်သာ

မြို့နယ်အတွင်း လုယက်မှု ၄ မှုနှင့် ထန်းတပင်မြို့နယ်အတွင်း လုယက်မှု 

၁ မှု စုစုပေါင်း ၁၈ မှုကျူးလွန်ခဲ့ကြောင်း ပေါ်ပေါက်ခဲ့သဖြင့် သက်ဆိုင်ရာ

ရဲစခန်းအသီးသီးတွင် အမှုဖွင့်အရေးယူဆောင်ရွက်လျက်ရှိပြီး ပြစ်မှုကျူးလွန်

ရာတွင်ပါဝင်ပြီး ထွက်ပြေးတိမ်းရှောင်နေသူ အောင်မြတ်သူအား အမြန်ဆုံး

ဖမ်းဆီးရမိရေးအတွက် ဆောင်ရွက်လျက်ရှိကြောင်းသတင်းရရှိသည်။


Yangon Police

Subscribe by Email

Follow Updates Articles from This Blog via Email

No Comments

About

Powered by Blogger.